超英片《蝙蝠俠對超人：正義曙光》（BatmanvSuperman：DawnofJustice）將於本月24日喺香港上映，扮演蝙蝠俠嘅班亞弗力（BenAffleck)為咗宣傳電影，上咗名嘴艾倫迪格勒絲（EllenDeGeneres）節目做嘉賓。

艾倫對呢位蝙蝠俠都唔手軟，準備咗好多嘢招呼佢。首先兩個人好正經咁坐喺度接受訪問，當艾倫問班佬覺得新一位神奇女俠點時？有位扮成神奇女俠嘅男工作人員突然破枱而出！嚇親班佬。
之後艾倫又安排咗打扮成超人嘅工作人員同班佬玩遊戲，搞到佢成臉都係Cream，不過班佬都好好笑容，因為佢支持嘅剛果基金獲得艾倫方面嘅捐款。