【去北極跑馬拉松】劉心悠為比賽變豬 梁釗峰走入冰櫃練習
馬拉松劉心悠梁釗峰北極
劉心悠與梁釗峰下月9日將到北極參與馬拉松賽事,今日他們在銅鑼灣舉行誓師大會,劉心悠會參與半馬賽事,她直言:「我諗住行都要行晒佢。」
大會邀得十位亞洲跑手參賽,當中包括日本、菲律賓、越南及香港,心悠BB在台上說:「見到咁多位專業跑手,我覺得自己真係好似BB。」釗峰透露早前已特別為賽事在冰櫃練習:「喺一個負20度嘅冰櫃入面踩單車,個感覺已經好堅。」
心悠指是次北極馬拉松,是人生中最大挑戰之一。記者笑指會否在賽事當中見到北極熊?她說:「真係有可能會見到,但係大會驚佢哋會襲擊人,所以現場會有工作人員拎住槍Stand by,但係難得去到北極,真係好想見吓。」
她表示月底便會飛往北極,會在當地留兩星期,主要是調節jet lag,又想趁機去看北極光:「比賽嘅地方已經冇夜晚,所以要習慣睡眠,我試過去中國最北嘅地區做嘢,嗰度夜晚10點先天黑,自己日日都好冇精神。」心悠自爆為了賽事增肥,現時已有五十二公斤:「好耐未試過呢個體重,試過有次排舞台劇因為好大壓力,每日綵排都食隻雞髀先有咁肥。而家係想操肌肉,變咗隻豬先,返嚟先搞啦。」
大會表示會帶參賽者到北極最北的地方插旗,她笑謂:「我都要帶支旗去,或者整個hashtag,寫住『nothing is impossible』同『地球好危險』,哈哈。」
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef