葉家寶及黎文卓今日去到銅鑼灣出席「香港中小企書刊業商會」記者會。年前曾出書講自己喺亞視最後一年經歷嘅葉家寶，今年會推出兩本新書，一本講述佢喺創世電視第一年嘅經歷，另一本記錄佢演藝人生40年，葉家寶話：「入行40年幕前幕後都會講，係一啲經歷同趣事，揭露秘密，分享一啲當時唔講得嘅嘢，例如一啲當時冇解釋，背後嘅動機。」葉家寶又表示書中內容會取得平衡，唔會得罪任何人。

葉家寶話之後會搞演唱會，工作不離演藝圈，隨後會開拍新節目《家有一寶》，會與黎燕珊及羅霖等合作，會喺創世電視播出。

精選娛聞，喺晒《娛果》
http://fb.com/appledailyent