梁振英一眾「梁粉」官員中，最惹火的相信非新聞統籌專員馮煒光莫屬，他可說是梁振英御用KOL，主要「工作」就是為梁在facebook、報章、網媒撰文做打手、又或幫老闆拍片影相，交給《港人講地》上載，未計39萬約滿酬金，一年穩袋逾340萬人工，日薪近萬！雖然馮早前在facebook發文，聲稱落任後想讀書，但一眾曾受馮煒光「關照」政界人物，齊齊為這「梁粉」KOL 獻計搵工，令他可以繼續為梁振英「發光發熱」。

馮煒光不時在facebook、專欄撰文，7.1後轉做作家末嘗不是出路，本身是人氣作家的民主黨鄺俊宇笑言，若馮煒光轉行做作家，擔心多了個「勁敵」！笑言馮最好申請做真正的白宮發言人，因為他的作風與美國總統特朗普「好夾」。

說到馮任內表現，鄺用「嘆為觀止」四字來形容，「佢人工高過奧巴馬，唔少朋友都覺得我地公帑使得好唔抵，因為畀呢位朋友返工時間上Facebook，四周圍撩是鬥非。」如果硬要諗一個優點，鄺認為馮經常自我引爆公關災難，成功轉移視線，「相信為佢主子擋過唔少子彈」。

除了可做作家、真正白宮發言人，公民黨黨魁楊岳橋建議馮轉做拳擊教練：「佢好鼓勵到人，就算唔出聲都可以激起大家心裡面嘅小宇宙。」又說馮日薪近萬，但主要工作是「上Facebook」，很難找到如此「筍工」，「收住你（市民）的錢用Facebook來鬧翻你，有邊啲工作好似佢咁爽」，楊寄語對方一句「好行、唔送」，認為其任內最「出色」表現是做到團結香港人，「我覺得絕對係叻，香港好少人能夠做到團結香港人，梁振英第一個，馮煒光就係協助梁振英做到第一個。」

因狙擊梁振英UGL案，而不時被馮撰文批評的專業議政梁繼昌卻直言，對馮任內「表現」無甚印象。「我對佢實在冇咩印象，亦都唔知佢做過咩野（寫文有冇睇﹖）我唔會花時間睇佢啲文。」他認為馮離開政府後都是做回公關這個老本行，因為實在想不到還可做甚麼。臨別贈言，可否送三個字予馮﹖梁說：「我送五個字比佢：搵返個女朋友！」不知是否刻意數少一個字來迎合馮的風格呢？

當然，也有民主黨舊黨友很認真地說，馮煒光應該繼續做他的KOL，「係『港人港地』、Facebook繼續為梁振英發聲」，笑言「國師」陳雲做網台也聲稱一日有9萬元「課金」，「以馮煒光水準，建制派、西環點只課9萬畀佢！」