大陸女星范冰冰早前因為捲入「陰陽合約」逃稅風波受查，至今一直潛水唔見咗踪影，但凡同佢有關嘅人，亦變得低調，例如冰冰嘅未婚夫李晨，一直留喺美國專心拍劇，未有為女友嘅事講過任何一句，之後有傳佢為咗自保，同冰冰分手！之不過喺冰冰嘅9月16日生日正日，李晨喺微信朋友圈低調祝女友生日快樂，破除分手傳言，跟住喺冰冰承認逃稅後，力撐女友話：「甭管多難，咱們一起渡過去。」(新聞連結： https://bit.ly/2QvBF7v )

噚晚李晨終於現身，不過今次佢唔係撐女友，而係喺北京出席電影《狗十三》嘅首映，戴住cap帽、着住墨綠色套嘅李晨，面色憔悴，佢話：「女主角(張雪迎)當年還算是個小朋友，五年後跟當年不一樣了，妳肯定是感觸特别深。」

另一方面，冰冰嘅細佬范丞丞為咗家姐嘅事，一度崩潰落淚話想保護家人(新聞連結： https://bit.ly/2oRJ55J )，今日佢喺微博讚好一條同家姐冰冰有關嘅留言：「以前你總是站在流言蜚語中保護我，可是你也是個女孩子啊，那麼現在與未來，就讓我帶著你的期望，站在你的面前，認真的和你說，姐姐，別怕，未來換我保護你。」相信係代表到佢嘅心聲。

精選娛聞，喺晒《娛果》
http://fb.com/appledailyent