【來季日劇預告】木村演保鏢造型曝光 恭子與松山研一積極造人
蘋果日報 2017/12/08 16:11
木村拓哉深田恭子松山研一BG~身邊警護人鄰居家的月亮比較圓
新一季日劇預告陸續公開。
今季日劇繼續由米倉涼子主演《Doctor X》第5季成為收視之冠，而下季劇集將於下月繼續首播，電視台方面亦開始公開預告片造勢。
木村拓哉主演朝日電視台新劇《BG~身邊警護人》，將接《Doctor X》喺逢星期四檔期播出，今次木村挑戰演保鏢角色，拍住江口洋介、石田百合子、上川隆也、齋藤工同菜菜緒等陣容演出。故事講木村本來喺一間保鏢公司工作，當轉工任護衛員後，卻被召回效力民間警備隊，並成立全新嘅身邊警護課。喺剛公開嘅首個預告，就只係sell木村，話佢唔可以佩戴任何槍或者武器，而木村就以西裝上陣準備執行職務，將其造型曝光。
至於松山研一同深田恭子扮演夫婦嘅富士劇《鄰居家的月亮比較圓》，同樣會喺逢周四檔期播出，恭子挑戰演為懷孕而積極造人嘅妻子，而首個預告片，就見到恭子與松山研一同床，兩人原本甜蜜卻因為聽到其他夫婦之間嘅問題，變得相當苦惱。
更多娛聞，喺晒《娛果》
http://fb.com/appledailyent
木村拓哉主演朝日電視台新劇《BG~身邊警護人》已公開首個預告。
木村飾演保鏢嘅造型亦已曝光。
松山研一同深田恭子就合演富士劇《鄰居家的月亮比較圓》。
兩人扮演積極造人嘅夫婦。