【賢仔Call馬】罕有向新勝馬施壓 方嘉柏似真唔似假（廖浩賢）
蘋果日報 2019/12/25 21:30
新勝馬快活谷施壓廖浩賢賢仔call馬如真如假
方嘉柏（左）是傳統谷草王練馬師
明晚（26日）設有九場快活谷賽事，大彩池三T有267萬餘元累積多寶，預計一注獨中可贏600萬元。想在拆禮物日收到大禮物，馬迷們要動動腦筋。
騎師方面，何澤堯停賽期滿復出，惟實力馬欠奉，今次仍以雷神座騎最惡。
第五場四班1200米，「如真如假」係全晚論狀態最弗馬匹之一，無論拍跳抑或彈草閘姿態及表現，都係君臨天下咁款。
尤其最後一課薛恩親試拍住「捉金皇」，要短韁沉踭撐到實，末段造22秒5，好少見方嘉柏對已跑過五仗的出賽馬繼續施壓，做高強度工夫，馬膽不作他選。
「超能量」與「馬功臣」都有個共通點係難出頭，「超能量」較可取近仗入位全部高水準賽事。
上仗轉彎外檔踩油輸四分三馬位，只要跑回上仗水準，必定在「馬功臣」前面歸來。
半冷門要拖「善傳千里」，計狀態又係弗到震，季初五班一戰功成，返回第四班後三戰，無論排內檔抑或外檔，轉彎都走蝕位。
剛戰稍為跑啱即剷入第二，如今距離上仗有四個星期回氣，埋門慢跳馬身脹卜卜，精神爽利。蔡明紹近期手風順，不容忽視。