當年今日

魚缸暴炒族:信置跌過龍可敲 - 方星俠

蘋果日報 2008/12/01 00:00


以目前港股氣氛而論,當然比9月、10月時好得多,家陣壞消息雖然不時出現,但起碼有好消息將利淡消息掩蓋不少,人人都用較樂觀的心態去睇,未嘗不是好事。
另外,星俠留意到一個現象,就係最近每晚睇股評節目,不少人都強調等大市跌穿1萬點後就出手買貨。十個之中,九個咁諗,梗係事與願違,個市短期又可以跌得去邊?
日前與某位老友「吹水」,研究家陣是否可以買樓?講真,買樓呢樣嘢,除睇經濟環境外,其實最重要係睇自己盤數,如果計得掂,又有心水嘅話,都可以考慮吓。早前,某地產公司主席強調,本港樓市唔會差過98年金融風暴及03年沙士期間,加上全球減息,估計港元拆息有機會回落至1厘水平,對樓市利好咁話。
短炒睇7元
聽語氣就知某君係大好友,不過,近期不少物業跌至一定水平,已見承接,反映市民有買樓實際需要。再睇本港地產股表現,亦由低位漸見回升。
信和置業(083)值得留意,該股上周失守5元後,以大成交回升至10日線水平,走勢似有見底之象。最近大摩發表報告,指信置被過份拋售,因此星俠相信短線仍未升完,突破20日線後,料可上試7元水平。
方星俠
empty