郎朗前晚在紅館舉行一場「郎朗Live in Hong Kong」，並邀得好友李克勤與容祖兒擔任嘉賓。身穿透視裝的祖兒與克勤合唱時，竟發台瘟唱錯歌詞，尷尬得掩口儍笑。獻唱完後，郎朗即拎出一支自拍神棍說要跟兩人自拍，克勤以普通話說：「如果要拍就轉過這邊。」接着他醒起要用廣東話：「講乜嘢國語，講廣東話，大家（觀眾）想影到就補補妝同V。」郎朗大讚兩人唱得很美，令他心也快碎掉。
訪問時，祖兒對自己老貓燒鬚，笑言近得克勤多的人，都會出現這個情況──唱錯或忘記歌詞，祖兒說：「始終係有少少緊張，冇理由首歌唱咗咁多場，係冇可能發生嘅事（唱錯），我只能夠歸咎個原因係我太尊重呢件事啦。」克勤大讚郎朗是一位好玩兼無架子的人，10幾年前合作至今也沒有變：「最好笑係我諗住自己喺長沙趕返嚟好遠，點知原來郎朗前一晚仲喺埃及。」

郎朗笑似三角戀

早前有報道指劉浩龍（師兄）幫女友祖兒揑膝頭，克勤追問時遭祖兒否認：「冇任何身體接觸。」克勤爆笑說：「呢個係世界最大神話，係神交！」祖兒乘機踢爆克勤叫她去美國登台時看無上裝美人魚騷，當指師兄可能都想看，祖兒指男友冇話去。
郎朗受訪時指3人合作感覺似談三角戀，他說：「為他們彈奏情歌，我一時望着克勤，一時望着祖兒，有錯三角戀感覺。」郎朗表示今次特意挑選多元化曲目，還邀請新一代指揮家俞潞，及一位香港鋼琴演奏小朋友上台合奏，希望給觀眾耳目一新感覺。
採訪：馬建華
攝影：陳俊強