美國歌手KatyPerry最近去咗秘魯利馬開騷，佢趁有空閒就去咗有天空之城稱號嘅馬丘比丘。雖然要行好耐先到達山頂，Katy都着到靚靚咁登山。佢喺instagram上載咗照片同短片。佢話早上6點由酒店出發前，酒店員工送咗排笛樂器俾佢，佢就帶埋上山，登到最高峰時吹俾朋友聽。
但係愛玩嘢嘅佢，為短片配嘅音樂係流行歌，而唔係佢吹排笛嘅聲。佢又走埋去羊駝身旁吹笛，相當搞鬼。Katy亦好好彩遇上雙彩虹，難怪佢話已完成咗死前要做嘅其中一件事。