噚日係韓國綜藝節目《RunningMan》成員李光洙嘅生日，佢點樣慶祝就唔知，不過應該過得幾開心，今日凌晨佢仲喺微博多謝粉絲。

「多謝大家通過SNS、信件、短訊及禮物等各種方式送來嘅生日祝福，我唔會忘記今次生日。唔知道點樣表達好，我會更加努力，愛你哋。」壽星仔光洙仲玩晒冷，公開咗一張枱上放滿禮物嘅相，捧住蛋糕嘅佢仲開心舉V。

另外，光洙演出嘅電影《突然變異》有花絮相流出，相中嘅佢一臉疑惑咁望住自己雙手，不過粉絲就將亮點放喺光洙半裸嘅身上，估佢唔知係咪為咗呢部戲而苦練腹肌喎。