現年25歲、擁有32B上圍的𡃁模盧頌之（DaDa，原名盧燕宜），今年5月在Ig留言暗示明年想嫁大隻仔男友趙勁皓（King），但昨日有雜誌爆料DaDa上月25日凌晨涉嫌醉駕被捕，同時與King分手。
從DaDa的炒車短片中見她臉紅紅，手捉軚盤，後座男乘客期間喊驚，又叫DaDa減速，可是言猶在耳便撞到路邊防撞欄，DaDa還懷疑問：「我哋係咪撞咗車呀？」價值約40多萬的黑色Audi A5意外後報銷，車主是DBC數碼電台DJ陳達仁的胞弟，陳達仁當時亦在車上，撞車後右手臂骨碎裂送院留醫。
記者昨聯絡DaDa，她透過WeChat回覆：「件事已經交咗畀律師處理，唔好意思，暫時只可以講咁多。」DaDa大呻事發後精神壓力甚大，她日前在Ig貼了一張殘爆相留言：「再一次頸同背痛到起唔到身，好辛苦呀。」她又狂貼黑白相說：「我的世界，沒有了色彩。」暗示跟King分手，有指King在意外後到了警署保釋DaDa，兩人正式斬䌫。DaDa今年4月跟經理人公司G.M.E約滿，雙失DaDa要面對犯官非兼賠償問題。

陳達仁：枱面有啤酒

陳達仁昨在紅磡接受訪問時說：「隻手痛到好似唔係我咁，一日要食8次止痛藥，我有喺病床飲泣。」陳達仁日內接受手術，問到意外發生前一晚，他與DaDa夜蒲時，DaDa可有飲酒，陳達仁昨晚電話補充：「我見到枱面有叫啤酒，DaDa朋友有飲，佢有冇飲我唔為意。」陳達仁指事發後DaDa承諾賠車，但近日聯絡卻拖字訣。
此外，DaDa早前被拍到與關楚耀等人夜蒲蘭桂坊，其間與關楚耀不停在夜場中咬耳仔，發現被偷拍才顯得避忌。
採訪：陳杰、畢紹基
攝影：徐錦池、陳俊強