楊主光（威哥）是有名的「Sound Bite」王，每次於記者會上不乏豪言壯語，往往會成為新聞標題。對於這個稱號，他沉思半响，緩緩說出：「我會覺得，be yourself，be your true self，我就一定係真我，我講嘅野嘅tone and manner一定係我自己嚟。」

身旁員工解釋，「因為威哥要嘅野好簡潔，佢從來都唔要大家長篇大論，sound bite就係要用好少嘅字數表達到個精要，所以佢出返嚟講個業務就會有sound bite。」

威哥指出，有些「Sound Bite」的背後意義深重，短短數字已概括公司整體策略。「譬如話三高一低，你只要望住生意額、盈利、客數繼續增長，而流失率繼續低嘅話，個結果唔會錯，業績一定唔會差得去邊。頭先我講嘅ATM，你只要未來日子奮身落去攻ATM嘅話，你實贏架喎，爭在贏多定贏少。」

除了「Sound Bite」外，威哥於記者會上提得最多的，就是一連串數據，包括公司及對手的營運數據。若細心觀察，威哥於記者會開始前，不時與公關交頭接耳，神情十分認真，原來是跟對方核實數據，「譬如佢比我一個number，我會問，呢個number係講緊過往全年定係半年架？係咪就係咁簡單將啲number乘以2架？」「不過，」他笑著補充，「我係謹慎於內裡嘅數據係咪與事實吻合，但其他嘢，我哋係輕鬆面對。」

記者：溫婉婷