個案一：「申請咗幾個月都未轉到線，淨係畀個臨時電話號碼叫我用住先，要求取消合約又唔畀，要罰毀約費，明屈消費者啫。」今年二月中登記攜號轉台，至今仍未能將舊電話號碼成功轉用香港寬頻網絡的林先生，怒斥香港寬頻服務水準低劣。
服務不兌現竟索毀約費
林先生說，他簽約後，香港寬頻便在其家中安裝電話線插頭，並提供一個臨時電話號碼使用，聲稱十日內可成功轉線，但至今仍未能成功轉線，他向香港寬頻查詢時反被指欠交資料，但他按要求補交後，始終未能用回原來電話號碼，「我啲外國朋友淨係知我個舊電話號碼，轉用另一個號碼好唔方便。」
他說，他一怒下要求取消合約，但竟然被追毀約費，「佢自己提供唔到服務，竟然當我毀約，有冇咁嘅道理？」他惟有向《蘋果》求助。
去年五月至今仍未轉線
個案二：周小姐的個案更「離譜」，她於去年五月將家居電話轉用香港寬頻網絡，但直至今時今日，仍未轉線，「我係要用番我舊時個電話號碼，佢畀個臨時電話號碼我都冇用㗎，次次打去問都話我啲資料唔夠，所以轉唔到線，我次次都有再交，都唔知重欠啲乜資料？」
周小姐說，她為免與朋友失去聯絡，一直沒有使用香港寬頻提供的臨時電話號碼。至去年底，她忍無可忍要求取消合約，但竟被列作毀約論，要賠償安裝費，「用都未用就要交錢，好離譜。」
個案三：有同樣不愉快經歷的卓先生投訴稱，去年十二月中登記，至今仍未轉線，只安裝了臨時電話號碼，要求取消合約，又被徵收毀約費，「個臨時電話號碼都冇用過，咁都算毀約？」。