今年港台「十大中文金曲頒獎音樂會」宣佈取消，接着新城「勁爆頒獎禮」取消實體頒獎禮後，日前商台903《叱咤樂壇》節目上，亦宣佈取消明年1月1日舉行的「叱咤樂壇頒獎典禮」，雖然網民經常彈香港樂壇像一潭死水，不過今年好多網民也希望《願榮光歸香港》可以攞「我最喜愛的歌曲」！

今日有周刊指，商台無奈取消實體頒獎禮，與《願榮光歸香港》是否得奬無關，有傳因為商台在周二「死線」前，仍未搵到保險公司願意受保，風險評估比較高，場內場外亦有想不到的因素，又怕對出席的歌手造成壓力，因此宣佈取消實體頒獎禮，43個獎項有可能改為DJ到唱片公司親身頒獎。雖然有些網民希望《榮光》可以得「我最喜愛的歌曲」獎，不過《榮光》上周才成功派台，派台時間比較短，即使獲逾13萬網民like支持，能否上榜仍要靠節目播歌率，明天（7日）叱咤截榜，屆時就知道《榮光》是否可以順利上榜入圍，讓大家票選；而且方皓玟的新歌《人話》講述反修例運動下的香港社會，亦有望爭「最喜愛歌曲」。

其實在《榮光》未派台之前，森美已開咪講過揀歌門檻，「譬如嗰首歌如果冇派台，係好難計入去叱咤，咩叫派台呢，通常首歌有個主唱者，可能嗰個人攞首歌上電台，又或者嗰首歌有個主唱者交畀唱片公司，唱片公司攞嚟電台，又或者有個作曲人自己攞上嚟電台，話畀我哋聽有呢首歌，如果我哋DJ去搵首歌返嚟，就唔係叫派台歌，唔計係派台」，派台後再按播放次數才可以上榜爭叱咤獎，之後森美出席活動亦解釋取消實體頒獎禮與歌曲《榮光》無關：「樂迷投票，你投我就頒，我記得雨傘嗰年嘅《撐起雨傘》都有獎項。」對於《榮光》得奬有機會受壓，影響商台續牌，森美笑言：「嗰個奬點會頒唔到呢？我哋覺得投票就係市民嘅聲音。」
-----------------------------
《2019高級珠寶鑑賞誌》
點擊即睇過百款鑽飾名表
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇