《狂野時速8》（Fast 8）進入拍攝最後階段，但「The Rock」狄維莊遜（Dwayne Johnson）日前於Instagram突然發火鬧《狂野時速8》某男拍檔唔專業，矛頭其實係指向電影主角雲狄素（Vin Diesel），令劇組火藥味甚重。

《狂野時速8》嘅劇組已經分成兩派，支持The Rock嘅好多都係工作人員。據美國TMZ報道，The Rock唔滿意雲狄素嘅工作態度，好多工作人員都同意，指雲狄素成日遲到拍攝，留在休息車上唔出嚟。因為雲狄素唔鍾意早上7點開工，要劇組推遲至早上10點去就佢。
雲狄素被指越來越自大，特別係有埋監製呢個職銜，成日鬧人，又彈人演技唔得，包括The Rock在內。反而The Rock工作態度認真，拍攝幾take就搞掂。
不過亦有人支持雲狄素，男星Tyrese上載咗同佢嘅合照，留言指永遠都支持佢，而Ludaris亦上載劇組合照，不過就冇The Rock份。