【被捕.然後】經常被指阻差辦公 社工：警方做法才是阻礙被捕人士權益
蘋果日報 2019/09/20 12:34
警察濫權阻差辦公社工復興逆權運動被捕人士權益
8.5當日有大批市民於天水圍警署外被捕。
要尋人，首先要知道被捕者名稱。但在示威現場簡單問一句「你叫咩名」，亦絕非易事，往往遇到警方阻撓。社工Penny曾到天水圍警署外參與被捕支援工作，查詢被捕者名字及身份證號碼，協助他們找律師。惟警員見狀立即「推人走」，又會與Penny「鬥大聲」，斥責他：「唔好阻住警察執行職務！」Penny批評，警方做法「唔公義、唔合理」，聲言：「佢哋（被捕人士）只係疑犯，未被定罪，應該要得到應有嘅法律支援，但警方而家嘅做法，就係阻礙被捕人士權益。」他更斥責警方濫捕社工，製造白色恐怖。
Penny是中學駐校社工，亦是「社工復興」成員。8.5當日，大批市民在天水圍警署外被捕，當中不少只是「踢拖嘅街坊」。他憶述：「當時警方喺冇勸喻之下就拉人，唯有盡量問街坊嘅資料，有啲只係得12、13歲，只係想幫佢哋搵律師。」在示威現場，經常聽到警員反問社工：「你係律師咩？邊個問名？」Penny批評有關說法全不合理，「就係我哋冇呢個身份（律師），我先要幫被捕人士搵律師」。
連同「陣地社工」陳虹秀在內，已有六名社工及社福界人士被捕提堂，Penny對此感到憤怒，「其實社工角色一向『和理非』，好少會主動衝擊警方防線，只係想喺現場舒緩氣氛；但而家警方就係濫捕社工，拉完再安一個罪名落去」。他坦言這是白色恐怖，因最終無論是否「告得入」，對該名社工而言已構成壓力。陳虹秀早前亦表示，被控後受到不明電話滋擾，為免影響向她尋求協助的市民，故已決定轉工。
Penny形容，社工在示威現場是進行人道救援工作，但隨著現時事態發展，社工在示威現場的角色已變得有限，「以前如果知道示威者都想走，會幫手同警察buy time；但而家警察規則已經唔同咗，會有社工被捕，輕則拉非法集結，重則拉暴動」。他坦言會反問自己：「社工角色仲可以發揮到啲咩？」
有大律師表示，根據終審法院譚立輝案，「一個人了解返權利，了解警察係做緊咩程序，拎資料去聯絡律師，呢啲唔係阻差辦公嘅行為」，而被捕者亦有權向現場人士透露姓名及身份證號碼。他批評警方欲以阻差辦公為藉口嚇退社工，「大大聲聲講你阻差辦公喎，一般市民唔會清楚個範圍去到幾闊架嘛，好自然會驚，令到被捕者得不到應有嘅支援」。他更認為這絕非個別警察的行為，而是整個警隊的風氣，「點解會容許呢啲情況出現？警方唔肯解釋嘅話，咪要獨立調查」。
記者蘇曉欣
防暴警在警署內舉黑旗後，向在場人士施放催淚彈。
當晚有示威者包圍警署。