咁睇,包銷商上身,視為另類歸邊。中國星新業務搞作,若果真係配股,兼配畀散客,貨源炸散,唔係好合情理。所以,細奀承配人,未必係中國星杯茶。
又連埋供股全面攤薄股數計,中國星現價PB僅得0.5倍,而且集團就快公佈2013年張成績單,應該靚仔,預測PE跌到得6至7倍,炒盈喜同時,亦平霸濠賭界!所以,集團就算配股,仲可以平得去邊?
忽發奇想,假設中國星唔賣酒店,兼掉頭發大嚟搞,以集團省鏡PB、PE,又有冇大孖沙有興趣一齊搞?若果中國星真係新搞作,兼一撼貨形式,配畀場內任何一位賭業大孖沙,咁就夠晒爆炸。
照睇盤路,中國星賣酒店有得炒、盈喜有得炒,即使就算唔賣酒店,配股搞新業務,亦可能係強者收貨嘅格局,一樣有得炒。而集團現價,只係高出供股價0.125元14%,未係啖啖肉,博翻一番到0.286元,中國星得1倍PB,亦未有耐才追到行家3、4、5倍水位。