當年今日
關於我們

【嘩嘩嘩!】胸壓張建聲 松岡預告新戲有床上激戰

蘋果日報 2018/03/01 14:37

作家的謊言張建聲何佩瑜松岡李那

由張建聲主演及監製嘅懸疑電影《作家的謊言》,今天喺旺角舉行開鏡儀式,出席演員包括張建聲、松岡李那、何佩瑜(Jeana)、 陳嘉莉(Kelly)、農夫、吳岱融及王宗堯等。合照時,女主角松岡表現風騷,蹺實張建聲手臂,成個身挨落去……唔知佢知唔知張建聲女友Kelly都喺身邊呢?!
松岡李那表示,今次需要性感演出,負責勾引張建聲,並有床上戲, 松岡李那f話:「都係跟番劇本去做,個故事好好,係懸疑片,性感都無所謂,唔係色情片就得。」松岡表示自己同Jeana一樣都係單身冇拖拍。
Jeana喺戲中演張建聲老婆,唔需要太性感,自言有自知之明,問到Jeana使唔使同張建聲親熱,Jeana話:「係我唔肯,心理折磨佢。」何佩瑜承認同翁子光分手半年:「o依家已經習慣,屋企養多咗隻狗忙照顧。」問到Jeana有冇人追,佢話:「算啦!隨緣,可能我突然有BB呢。」
張建聲今次身兼演員及監製,佢話劇本一早已經編寫好,自己對劇本一直念念不忘,張建聲話:「一直想搵投資方,感恩今次終於能夠開拍,一齣電影由零到產生真係複雜到不得了。」今次張建聲喺戲中艷福不淺,Kelly話唔會監場:「唔需要,知佢壓力好大,自己今次做女警戀上一個作家就係張建聲。」張健聲話之後幾部電影都會安排Kelly演出,明白新人要多啲學習。

精選娛聞,喺晒《娛果》
http://fb.com/appledailyent
empty
松岡成個身挨近張建聲,唔知正印女友Kelly(右一)會唔會呷醋呢?!(攝影:葉君海)
empty
empty
張建聲話每逢有戲拍都預埋女友Kelly一份。
empty
松岡表現風騷,透露與張建聲將有床戲。
empty
松岡擔正做女一,為劇情唔介意犧牲色相。
empty
empty
農夫都有份演出。