當年今日

超人被清算 恐嚇窒投資者

蘋果日報 2015/09/30 00:00


【本報訊】長和主席「超人」李嘉誠罕有地公開發聲明,反駁內地官媒對他的批評,不少政商界人士感意外之餘,亦憂慮北京對港強硬政策,不止針對泛民或反對意見,「連北京一旦認為唔聽話嘅商人,一樣開刀,連李嘉誠都申訴無門」;長此下去,只會進一步嚇怕商界,「只會令更多投資者卻步,對北京都冇好處」。
顯示中央強硬「唔畀面」
有政商界人士不約而同指出,李嘉誠一向被視為少數可「直通天庭」的超級富豪,以往北京固然不會向他開刀,就算李嘉誠有意見,亦可私下向中央反映,但今次官媒接二連三批李,難免令人覺得,在中央對港強硬政策下,受針對的不再是泛民、佔中支持者,又或「唔聽話」的法律界人士,「而係任何北京睇唔順眼嘅人,就算係李嘉誠,一樣會打你,完全唔畀面」。
金融界人士也表示,李已屬國際級富豪、而且一向與中央關係良好,北京尚且「唔畀面」,「其他本地財閥會點諗?中央係咪唔再睇香港商界?下一個會唔會到佢哋?係咪要諗後路?」至於國際投資者,他們在內地更缺乏官方人脈,「外國投資者會諗,連李嘉誠唔再投資咁多資金喺大陸,都俾官方清算,咁外資咪仲冇保障」。
■記者莫劍弦