資金繼續輪流炒,風電核電股全線起動,與其同人鬥搶,不如諗定下一輪炒乜,盡情演繹低買高沽藝術。按圖索驥,環保股中嘅水務股,已經橫行一段日子,追落後資金肯定唔會放過,當中又以中滔環保(1363)最吸引。
記得前輩教落,幾條移動平均線滙聚,往往係爆升前奏,中滔環保10日、20日及50日線,介乎7.84至7.91元,只得七格上落咁大把,沉寂咁耐必有一棍。
另一個大炒催化劑,非有政策支持莫屬。《水污染防治行動計劃》(下稱水十條)傳已上報國務院,只要一聲令下即可出台,預期總規模達2萬億人仔,中滔環保最新市值只得113億銀,分到少少餅碎已經好和味。