港航裁員250人丨劉欣宜轉行做空姐7年 拒再放無薪假慘收大信封
蘋果日報 2020/12/11 19:42
香港航空裁員劉欣宜E Cup Baby
有「E Cup Baby」之稱的劉欣宜於2013年退出娛樂圈後轉行做空姐，加入香港航空，累積7年工作經驗，劉欣宜表現不錯。可是受到疫情影響，航空業重創，香港航空過去一年業務下跌，今日宣佈裁減250名機艙服務員，所有收信的員工最後上班日為今天，員工將收到一個月代通知金（工作不足1年的員工將按比例發出），連同12月薪金、年假補償金將於7日內支付。
換言之，裁員條款僅符合最低勞工法補償要求，《蘋果》收到風在香港航空工作7年的劉欣宜，不幸是當中被裁員工之一，據知她昨晚還隨公司貨機飛北海道，昨日凌晨5時返工，即日來回，晚上11時多才到港回家休息，今日卻接到公司「大信封」，讓她感到非常無奈。
有指香港航空過去一年為節約資源，多次要求員工放無薪假期，但最近又再次要求員工再放無薪假期，未肯參加的員工即被裁走，有指劉欣宜上半年有放過多月無薪假期，但始終她有供樓養家的壓力，不能無限期沒收入，所以成為裁員目標。
當了空姐7年的劉欣宜，今日接受《蘋果》訪問時，她哽咽說：「太突然，完全冇心理準備，噚日我仲飛完，而家只有見步行步，同事都辛苦，但我相信天無絕人之路，睇吓有咩做就做住先，係失望同唔捨得，好多謝公司畀我入呢行，始終嗰時係妹妹仔，又未結婚，見證住我拍拖結婚生小朋友……要啲時間消化吓，呢個時勢都唔想，我一定唔係最慘，所以大家一齊再努力，好多同事都好努力，今次有份被裁嘅同事都係表現好、好勤力、好為公司着想，其實好多人之前有同公司共渡時艱，包括我都係，既然公司有呢個決定，我覺得係無奈，但知道冇辦法係一個商業決定，希望剩下的同事繼續努力，我哋亦都繼續努力搵新方向。」
劉欣宜於2016年嫁給音樂人、唱二創歌的窮飛龍組合成員陳子敏，2018年5月誕下囡囡，一家三口過着簡單開心生活，劉欣宜避疫期間更親自給老公、囡囡及父母下廚，她不時在IG分享貼地家庭樂。突然加入失業大軍，劉欣宜表示會另覓工作，雖然一家人生活樸素，但她不想加重老公負擔，目前未找到新工作就會全職湊女。
劉欣宜 （紅圈）昨日仍飛北海道，今日即被公司裁員。（FB圖片）
劉欣宜的7年空姐工作因疫情要劃上句號。（FB圖片）
劉欣宜於2018年為老公生下囡囡。（FB圖片）
劉欣宜表示會暫時一邊湊女，一邊另找新工。（FB圖片）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！