六十歲的李婆婆哀傷表示:「呢兩日卓謙一瞓醒就扭計搵媽咪爹哋,我惟有同佢講:『你媽咪爹哋返咗工,一陣就返嚟。』卓謙重咁細,好多嘢唔明白,我惟有暫時𠱁住佢,等佢大個啲至解釋佢聽!」
小卓謙雙親,日前在國內乘電單車往福建漳浦探親途中,遭貨車撞倒不治;當時隨行的卓謙,被撞傷頭部及右眼,一度需留在內地醫院接受治療。訪問期間李婆婆看着熟睡的孫兒,柔聲說:「發生咁大件事,尋日至帶卓謙平安返嚟香港,令我身心都覺得好攰。不過好彩卓謙身體已經無乜大礙,醫生話佢受傷嘅頭骨會慢慢生番,而兩隻眼嘅視力完全無受影響。」
「諗起都心酸」
在車禍中猝死的洪自強夫婦,生前分別任職搬貨工人及辦公室信差,刻苦耐勞。李婆婆提及兒媳兩人,黯然歎道:「阿強好孝順,雖然呢幾年賺錢唔多,又結咗婚有頭家,依然每個月畀成千蚊供養我;新抱阿慧亦好顧家,外家喺鄉下靠耕田生活,一向好窮,平日佢就盡量慳錢寄畀父母。𠵱家兩公婆去得咁突然,最慘淨番個仔重咁細,諗起都心酸!」