沙田馬場今午（16日）第五場四班泥地一哩，雷神莫雷拉策何良馬房五歲灰馬「大步走」沿途守四五位大步而走，直路逐步加速，結果彈甩亞軍「五星特工」1.5馬位，取得服役首Win。賽後更有馬主的友人，大晒印有他自己和雷神合照的簽名Ｔ恤，搶去不少風頭。

何良說：「『大步走』的前景應該幾超卓，牠今季比上季有進步，大個仔咗，淡定咗，體重增加了，最重要是成隻馬放鬆晒，無論試閘或晨課都走來淡定，我預期牠今場會有相當接近的走勢，結果順利取勝，我當然高興。」

「『大步走』將會主攻泥地，希望再添頭馬。其實上季尾有一場泥地1800米由莫雷拉跑，人馬角力，馬兒走去步韻，賽後更被驗出喘鳴症，該場賽績可抹去，牠今季健康已回穩，一切安好，希望繼續交出好成績。」何良續說。