【情路坎坷】唐詩詠情路坎坷愛錯郎 「100%好女友」要轉型?
分手洪永城唐詩詠100%好女友有一種女朋友叫唐詩詠
唐詩詠喺中學時代做兼職model,而喺2000年拍香港電台嘅青春劇《青春@Y2K》入行,03年仲加入埋大台,而佢嘅情路亦非常精彩。
佢喺2000年拍《青春@Y2K》嘅時候曾經同劇中演員之一嘅余文樂拍拖,不過之後有指余文樂撻着盧巧音而分手。之後唐詩詠曾被指介入羅嘉良嘅婚姻,又先後傳被陳宇琛同吳浩康力追。
不過真係公開承認嘅就得崔建邦,佢哋係05年傳拍拖,佢哋拍拖多年,有指經過四離四合,其間崔建邦有傳撻著着徐淑敏及中巴混血兒鄺敏慧,喺09年底
發生崔建邦涉嫌虐打鄺敏慧事件,當時唐詩詠對崔建邦不離不棄仲公開護航,不過最後都係因為崔建邦花心而分手。
而喺2013年唐詩詠同洪永城因拍劇而撻着。而喺前年因為一張洪永城拖住黃翠如出席活動嘅相,而喺網上引伸出一篇名為《每個男人心裡面都有一個黃翠如》嘅文章(相關文章: http://bit.ly/1L6Wk3j ),之後網民仲引伸咗一篇「正印版」嘅文章《有一種女朋友叫唐詩詠》,內容大致就係話佢雖然洪永城心中有一位黃翠如,不過喺洪永城身邊嘅係唐詩詠,而陪住走落去嘅亦係佢。
不過呢個篇文篇結終係網絡潮文,而唐詩詠同洪永城亦都已成過去……