當年今日

隔牆有耳:懶理風波揼骨要緊 - 李八方

蘋果日報 2008/06/08 00:00


早前「疑似特首候選人」梁振英猛咁爭取曝光機會,但副局長國籍風波,佢卻置身事外,直至煲呔曾辦公室主任陳德霖早前向傳媒高層閉門認衰後,梁振英噚日又再彈出嚟加把口,叫市民畀啲空間副局長同政治助理發揮所長,做吓實事。
梁振英無寶不落,唔會隨便開口,難怪噚日出席公開活動時,主持人都讚佢係最能言善辯政客。唔知梁振英對此稱號受唔受落,佢道行深不可測,聽到當冇聽過,若無其事笑笑口。副局長國籍風波直燒禮賓府,梁振英隔岸觀火,心情輕鬆,噚日同民建聯主席譚耀宗齊齊享受「鬆一鬆」按摩,佢大讚女技師手勢好好,「簡直係100分呀!」