當年今日
關於我們
隔牆有耳:
立會爆粗女係之鋒女友 - 李八方
蘋果日報 2015/02/10 00:00
上個星期六立法會政制事務委員會特別會議,有位發言少女因為爆粗鬧建制派獲唔少人爆like,片段喺網絡瘋傳。查實呢位爆粗少女係十九歲嘅學民思潮成員錢詩文、亦係黃之鋒嘅女朋友。
錢詩文上周六喺立法會爆粗鬧建制派,網民勁like。
八方去年六月報道過,之鋒同女友去圓方拍拖睇戲,當時之鋒唔想多講想低調。而喺噚日,錢詩文唔怕公開身份嘞,佢噚日接受《壹錘定音》訪問,透露同之鋒因學民而相識,至今拍拖一年,大爆之鋒即使手腳唔協調,為博紅顏一笑,都努力跳舞,成為佢最sweet嘅回憶,最欣賞之鋒正直又善良。佢話自己以前唔講粗口,直至見到社會好多令佢憤怒嘅事,例如警察暗角打人、吳亮星強行通過東北發展撥款等。佢透露出席立法會前用咗一晚都寫唔到滿意嘅發言稿,決定講真心話,鬧建制派「真係X街都不足以形容」。
去年六月,之鋒被影到同女友去圓方拍拖睇衫。