當年今日
關於我們

玩遊戲失平衡跣腳
Kary、楊洛婷露股罅嗌唔抵

蘋果日報 2005/01/13 08:00


四人女子組合Cookies、楊洛婷、鄧萃雯、譚小環和劉浩龍等,前晚在無綫將軍澳電視廣播城錄影節目《曼佳美慳電大膽笑》。

腰繫橡筋跌倒
節目安排藝人玩插電插蘇頭遊戲,各人腰間繫上橡筋,然後一個拉一個的走上斜坡,把巨型道具插蘇插好。玩遊戲期間,穿上低腰褲的Kary和楊洛婷失平衡跌倒坐在地上,不慎露出股罅。
抱恙上陣的Kary知道自己走光時,顯得很驚訝,她說:「唔係嘛,好大鑊,我唔知噃,下次都要着高腰褲,其實我有啲唔舒服,都唔想玩遊戲,後來嚟到咪一齊玩,輸咗又走光,好唔抵!」

Stephy掩胸防備
而Stephy玩遊戲時則比Kary小心,她為了防走光,不時以手部按着胸口位置,她說:「我都估唔到呢個遊戲會咁易走光。」
此外,劉浩龍投訴另一隊綁在腰間的橡筋較短,比較有優勢,他又自爆玩遊戲時弄傷腳,他說:「我都俾人踩親腳趾,唔知係咪爆甲,希望冇事啦!」
採訪:楊潔雯 攝影:陳慧安