《街霸》陪住幾代人成長，喺唔少心目中地位超然，內裏每個角色更係氣派十足。但最近加拿大畫家ArmanAkopian忽發奇想，虛構一眾《街霸》20年後會變成點，變化最大莫過於青狼同軍佬，由當年六嚿腹肌變成六神合一，真係歲月不留人。另外，主角阿龍雖然依舊咁Fit，但就入咗精神病院，而冇得再肥嘅本田做咗黑幫大佬，呢啲真係叫做同遮唔同柄。