如果想與二萬名年齡介乎六至十八歲的小朋友，一齊分享和感受真正足球的真諦，現在是最後機會了。「二○○三麥當勞青少年足球推廣計劃」，還有一個星期就截止報名。想知道這項全港最大規模、歷史最悠久的活動有幾好玩，就請今年只有九歲的「過來人」芮寧哲講給大家聽。圖?文：李勇明

「我叫芮寧哲，喺基灣小學讀緊三年班，唔好睇我今年只得九歲，其實我已經踢咗三年波。上年第一次參加麥當勞足球推廣計劃，因為得到教練賞識，最後重安排我踢前鋒，間中都有入波㗎，不知幾威風。」帶上一副膠框眼鏡的芮寧哲得意洋洋地說。

「家庭樂」促進親子關係
每年的「推廣計劃」均會定立不同主題以推廣足球運動，適逢今年的主題為「繽紛足球家庭樂」，主辦單位希望透過計劃，為參加者及其家人帶來以足球運動鍛煉身體的樂趣，享受與家人聚首一堂的歡樂時光。
芮寧哲的父親本身亦是足球發燒友，對於囝囝參與這次活動，芮先生表示全力支持。他說：「以前佢（指芮寧哲）未學踢波時，性格比較怕羞，但現在就活潑同主動好多。由於我自己亦好鍾意足球，間中都有一齊落街切磋吓，大家有咗共同話題，父子關係好似變成朋友咁。」
今年「推廣計劃」特別請來本年度香港足球先生李健和擔任足球大使，足總亦會派出多名專業教練到各區負責訓練工作，包括現役甲組球員范俊業、鍾建希和李偉文等。芮先生說：「以前落街踢波會俾人覺得係爛仔，但今次呢類活動由大規模嘅機構主辦，作為家長亦好放心畀自己仔女參加。」