巴西一代重砲羅拔圖卡路士日前接受《法國足球》訪問嗰陣表示，只要基斯坦奴朗拿度（C朗）同美斯一日未掛靴，尼馬都冇乜可能贏到金球獎。

尼馬今季轉投巴黎聖日耳門，外界普遍認為係尼馬希望擺脫美斯嘅影子，卡路士就表示支持尼馬嘅做法：「尼馬要做世界最佳球員嘅話一定要離開巴塞，因為嗰度已經有美斯，我認為佢今次做得好啱。」

不過卡路士就話，尼馬要贏金球獎嘅話仲要等等：「尼馬要接受自己暫時只係排第三嘅事實，只要C朗同美斯繼續頂級嘅表現，佢都冇乜機會擊敗另外兩人。」

-------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM