作者：林作
書名：《讀完這本書，你會曉用英文追女仔》
售價：港幣88元

唔做大律師，殺入幕前拍戲做節目嘅林作，更進軍補習社做補習天王，嚟緊書展仲會出人生第一本書。書名係《讀完這本書，你會曉用英文追女仔》嘅書，其實書嘅內容，書名只係講咗一部份，亦講到尾只係一種綽頭，「追女仔」嘅真正含義，係要俾讀者更深入咁了解英語同其後嘅背景文化，充實自己，從而成為一個更有吸引力嘅人。

林作喺電話中講：「賣點係其實令到你更加gentlemen少少，冇咁毒L，體面少少，本書內容其實係幾風趣易明，當你個人裝備好自己就自然追到女仔啦，我主要中心點係咁，而唔係教你追女仔技巧，呢樣嘢係其次，坦白講，我追到女仔嘅原因，唔係因為我有米，唔係因為我把口掂，而係我真係有啲內涵嘅嘢俾個女仔見到，而係佢係欣賞，其實港女都真係鍾意，如果唔係陶傑點會咁多女。」