今日李治廷同謝婷婷喺九龍塘出席商場迎新歲活動，最近有雜誌刊登咗婷婷同戴尚安（Sean）前後腳行街嘅相，因此就被指係假分手，婷婷就話：「張相係上年十一月底時影㗎，睇番我啲衣着打扮都見到啦！」問到會唔會有機會復合，婷婷就好堅定咁話：「冇。」不過之前佢哋兩個一齊合作嘅攝影展，都仲會繼續舉行。

另外李治廷嘅緋聞女友范冰冰被傳同李晨拍拖兼見埋家長，問佢係唔係同冰冰分咗手，佢就話：「唔使問，唔回應，拍拖嘅事自己知就得，唔想私生活咁高調。」咁知唔知李晨同冰冰見過家長？李治廷抱怨話：「放過我！我冇野講。」