當年今日
關於我們

【雙宋結婚】首爾直擊!嚴防偷拍升級惹韓媒不滿

蘋果日報 2017/10/31 11:09

結婚宋慧喬宋仲基

韓國神劇《太陽的後裔》嘅宋仲基同宋慧喬今日(31日)結婚,兩人將於香港時間下午3時在首爾新羅酒店1樓迎賓館舉行婚禮。
而今次婚禮嚴禁傳媒採訪,保安亦十分嚴密,噚日有網民拍得迎賓館嘅露天位置有白布遮掩,但到下午時份有住客就拍得現場已沒有白布遮掩。
本報記者噚日(30日)下午喺酒店門外採訪時就未有樹係放喺門口,到深夜時份酒店門口就放咗幾棵樹及圍板,遮檔門口以免閒人進入酒店範圍。同時亦禁止閒人進份酒店範圍,門外有幾架疑似係裝住佈置道具嘅大車,估計現場漏夜正進行深夜set up佈置。而一早已經有記者粉絲喺現場守候,門口亦已經有保安同鐵欄,一眾人士只可以喺門口對出隔住馬路位置守候。
另外,有報道因韓國傳媒不滿意雙宋婚禮過度保密,所以噚日一度以白布遮掩嘅帳篷已被拿走,令傳媒得以從高處拍攝到婚禮現場。

更多雙宋消息,喺晒《娛果》
http://fb.com/appledailyent