本地樂隊RubberBand同Kolor等樂隊，今日喺尖沙嘴為最後一場「Music in the City」演出，facebook專頁「King Jer娛樂台」之前搞咗個最靚聲歌手選舉，RubberBand主音6號獲第9名，佢謙虛話：「多謝瓊姐同支持者，希望大家留意嘅係整個樂隊，畀人留意到樂隊係好事。8月我哋會喺西九出席本地薑音樂節，希望大家支持本地音樂。」

而Kolor就請咗Mr.嘅MJ同秋紅樂隊嘅呀華客串，MJ笑言為Kolor嘅歌好快好難彈，練歌令肩膀受傷，Sammy就即刻話會送上神秘禮物作補償。