香港人經常批評內地旅客不文明、沒教養，但其實香港人的公德水平也不見得有多高，網民fatcatleo日前便在西鐵目擊一對情侶，以手袋霸佔座位，令同座乘客擠迫得猶如罐頭沙甸魚，小情侶卻坐得溫馨又舒服，完全漠視其他乘客需要。
「前幾日搭西鐵，有晚見到有對後生情侶用一個較大的手袋阻住啲位，眼見後嚟啲人想坐，小情侶仍然唔理人哋！」fatcatleo形容該手袋厚度有15至20厘米，令同座其他乘客非常擠迫，小情侶卻視若無睹。有網民懷疑小情侶是否不知身旁已經坐滿其他乘客，但fatcatleo強調：「一定唔係！因為坐中間個男乘客喺坐低前叫個後生男仔坐過啲㗎，個女仔嗰時都未瞓㗎！中間男乘客出過聲㗎！對情侶唔睬佢哋！照瞓咋！」
不少網民都批評小情侶行為自私兼「冇品」，網民Oi_punk慨歎：「大部份香港人都唔讓座畀老人家同大肚婆，又扮瞓覺、扮睇唔到，仲有搭巴士鍾意塞住個門囗，呢啲風氣唔知幾時先肯改。」