全球矚目的2010南非世界盃，隨着今日凌晨荷蘭決戰西班牙而畫上句號。昨日，港、台兩地靚女紛紛出席各大小商場活動，以性感姿態瞓身催谷這場終極一戰。
其中台灣幫黑澀會美眉成員大牙和Apple，昨晚親到商場唱歌跳舞助興兼陪球迷通宵睇波，本地薑百果園E神陳靜和趙碩之等等拋胸落力宣傳。就連阿Sa蔡卓妍昨日舉行簽唱會，也以世界盃決賽做主題大搞噱頭。

地點．觀塘apm
時間．8:30p.m.

台灣黑澀會美眉成員大牙和Apple，昨晚專程來港出席《apm全城瞓身睇世界盃》，吸引逾百fans到場，二人除又跳又唱外，更會陪觀眾一起睇波。儘管大牙和Apple昨晚分別穿上代表荷蘭和西班牙的小背心，但卻未及赤裸上身以人體彩繪西班牙圖案的外籍女郎搶鏡。Apple跟該女郎合照後也禁不住大讚說：「好cool！我不敢這樣做，太大膽啦。」原來今次是大牙與Apple首次在香港睇波，感覺相當新鮮有趣，而Apple並自爆有賭波，在台灣買了100新台幣（約港幣24元）荷蘭勝利呢！
採訪：張俊銘
攝影：黃偉雄