【本報訊】罷工公投獲多個醫療相關行業工會響應，包括視光師及物理治療師等專職醫療界別，票站不乏醫護身影。從事醫護行業的余小姐（圖）指，早於工會成立初期已入會，昨日投票是為了盡會員義務，行使工會權利。她批評中共政權強行通過的港版國安法，條文存在不少隱憂，「會唔會無啦啦捉人上大陸審呢？何謂勾結外國勢力？令人覺得冇咗發聲嘅自由」。

工會調查：大比數人反立法

至於罷工成效能否撼動政權，「係咪有用呢？好多嘢唔係只係睇結果，上年大家出來遊行示威，都係盡做，仲有自由點解唔做呢？」。她承認，入會人數比預期少，認為經濟環境轉差，職場的白色恐怖或令不少同路人卻步，但她自己則不顧一切，「冇啦，照去啦，想話畀大家知，仲有人想捍衞自由，做咗自己可以做嘅嘢先」。

醫管局員工陣線曾於2月發起公立醫院醫護罷工，要求政府封關，工會今次雖然未有參與公投，但設有工業行動意向調查，包括收集會員對港版國安法及罷工行動的意見，同樣昨日截止。理事張嘉祺表示，雖然工會今屆會期接近尾聲，但有同事因應今次意向調查，特意入會表達意見。醫管局主席范鴻齡日前再度恐嚇公院醫護不可罷工，張指，調查於昨晚8時截止，初步結果顯示大部份會員都反對國安法立法，將會按機制決定是否作下一步行動，不會受醫管局立場左右。
■記者梁銘恩、何家朗