【已入法律程序】樂壇新人莊正涉11.18救理大被控暴動罪︰多謝關心
蘋果日報 2019/12/04 21:27
暴動罪逆權運動莊正
（IG圖片）
逆權運動抗爭至今，克警被轟濫捕濫暴，已有逾5,000人被捕，其中多人被控暴動罪。今日在討論區有網民指，疑今年的樂壇新人莊正，被控一項暴動罪，控罪指他於上月18日在油麻地彌敦道近窩打老道交界，與其他人參與暴動。其實11.18警方連續多日圍堵理工大學，大批聲援者到油麻地一帶「營救」被困理大人士，至少242人被捕，60人被控暴動。對此莊正回覆《蘋果》表示：「多謝你關心，但因為仲有啲法律程序要徵詢律師意見，所以暫時唔方便回應住。」
上月24日28歲生日的莊正，上周曾在社交網留言︰「今年應該係我成世人經歷最多最精采嘅一年，特別係下半年，28歲竟然連臭格都坐過，但當時最擔心嘅其實唔係自己，反而係覺得對唔住要身邊嘅人擔心，會內疚，所以大家真係好好睇住自己，保護自己，萬事小心。」
而幾日前莊正再於社交網留言︰「今年真係人生過山車咁……我自己都仲需要啲時間去適應，而家只係想好好多謝關心過我嘅所有人，每一句嘅問候同生日快樂我都有睇到，如果我真係有需要幫忙我一定會搵你哋，希望到時唔好嫌棄，呢啲經歷令我重新思考我擁有啲咩，有咩係要珍惜，嚟緊嘅路我要點，喺呢方面開始有啲方向，但又有啲混亂，我都仲需要啲時間，但即使暫時嘅情況係咁樣，我亦唔覺得今年係唔好嘅一年，我只係呢個世界嘅一部份，go with the flow, enjoy the moment囉。」
莊正於14年曾以組合VnP參加歌曲創作比賽而勝出，簽約唱片公司，可是公司對VnP出道計劃擱置。其間他曾有機會跟師兄陳柏宇合唱台灣電影《KANO》的港版主題曲《勇者的浪漫》，今年初公司給予他機會，以個人歌手身份出道，苦等5年的他，早前才推出首支單曲《開放世界》。
今年樂壇新人莊正。（IG圖片）
早前他在社交網表示自己被捕。（IG圖片）
日前他再於社交網留言。（IG圖片）
今日他在社交網留言表示︰「多謝你哋。」（IG圖片）