日本三人樂隊back number近年大受歡迎，大熱單曲包括《高嶺的花子小姐》、《女主角》、《Christmas Song》等，不過當三人走紅後，立即成為雜誌追訪目標，尤其主音清水依與吏更加係新聞人物，繼被揭秘婚多年育有一子後，近日更被一名聲稱係舊愛嘅女性A小姐指控負心，聲淚俱下大爆佢一腳踏兩船。

34歲嘅清水依與吏上月被《Friday》踢爆已在2014年結婚，二人育有嘅小孩已讀幼稚園，back number方面承認係刻意隱瞞成員已婚，並解釋音樂性嘅重要，唔想美學因私生活而受到影響。來自關西嘅A小姐今次受訪，直指清水依與吏隱瞞有妻兒亦另有原因，事關佢在結婚前一直同A小姐交往，並留有交往證據，兩人從2012年7月開始認識，兩年後分手，A小姐一直都蒙在鼓裡，直至舊愛已婚消息曝光才恍然大悟，相信清水依與吏在2012至2014年期間係一腳踏兩船，更公開男方穿着女裝比堅尼嘅絕密照片，A小姐話：「照片是以前在酒店影的，當時他穿上這套朋友送給我的泳裝，一時即興就拍下這張相留念。」

精選娛聞，喺晒《娛果》
http://fb.com/appledailyent