【入行前試過】真係有人會畀錢 衛詩曾若華玩街頭表演

蘋果日報 2017/06/25 16:56

衛詩曾若華
    衛詩（Jill）同曾若華（JUDE）今日喺尖沙嘴進行街頭音樂表演，之後又大派雪糕，吸引唔少途人圍觀。Jill表示今次除咗唱新歌外，仲係為同門兼英國人氣男歌手Ed Sheeran喺11月舉行嘅演唱會作宣傳。
    講到街頭音樂表演，Jill話：「可能音響會冇咁好，不過就熱鬧啲；入咗呢間新公司，多咗呢啲機會。」JUDE就話：「我未簽公司之前，同朋友玩過街頭音樂表演，我哋仲打開結他個盒，真係有人會畀錢，有個律師畀咗$100之外，仲畀咗張卡片我哋。」JUDE笑言街頭音樂表演賺咗唔少錢，之後會同成班朋友一齊食嘢，佢話：「入咗行就冇喇，所以今次令我諗番起當年。」
    empty
    衛詩（Jill）同曾若華（JUDE）今日喺尖沙嘴進行街頭音樂表演。（攝影：黃曉妍）
    empty
    Jill表示今次除咗唱新歌外，仲係為同門兼英國人氣男歌手Ed Sheeran喺11月舉行嘅演唱會作宣傳。
    empty
    JUDE就話：未簽公司之前，同朋友玩過街頭音樂表演。
    empty
    表演之後又大派雪糕，吸引唔少途人圍觀。