八十六歲的麥婆婆，過去三年幾乎每天都要摸一摸手中的戒指，「佢（丈夫）臨終前交畀我，仲叫我好好保管住，我摸吓隻戒指，就好似見到佢。」這枚象徵了她60多年婚姻的金戒指，不但是丈夫的遺物，更是她餘生的寄託。所以，當她每次說到：「𠵱家唔見咗了」時，眼就紅了。
麥婆婆與丈夫羅松佳都是佛山人，「大家住喺唔同村，佢係『鹹魚佬』，幫人醃鹹魚、冬菜㗎，我18歲嗰年，媒人來說親，佢（丈夫）偷睇過我，見我靚先至肯要我，仲要夾過八字先得。」說起當年往事，麥婆婆笑了，「等咗足足兩年，先至大紅花轎娶我過門，點知過咗門，日本仔就打到嚟啦。」

夫臨終時除給她保管

麥婆婆憶述，剛當了新娘便開始與丈夫顛沛流離的走難歲月，「我哋由佛山去廣州，跟住又去香港，將啲錢入咗好多日本鹹魚，點知成個香港、南洋度度都抵制日貨，我哋蝕晒本了。」
1947年，麥婆婆隨丈夫和翁姑來港定居，丈夫最初亦在香港仔、西營盤醃鹹魚，70年代在柴灣邨17座開士多，「我哋賣汽水、煙仔、醃蘿蔔、雪粒。」結果，40多歲的麥婆婆誕下了一名女兒。1976年，在當醫生的契哥慫恿下，她與丈夫在香港註冊，契哥並在金行打了一對刻了兩人姓名的戒指送給他們。
80年代，柴灣邨清拆，士多沒有了，丈夫又被車輾傷腳無法工作，麥婆婆去工廠包伙食擔起一頭家，直至70歲才退休。
一晃60多年過去，麥婆婆仍記得丈夫的點點滴滴，「隻戒指用繩穿住掛係頸度，臨死除落嚟交畀我。」𠵱家唔見咗呢隻戒指，好傷心。
本報記者