為咗除去「肥苟」污名,苟芸慧一直都好努力修身,不過成績就.....大前晚《蘋果》喺中環發現佢同細佬,仲有一位懷孕嘅女友人喺中環威靈頓街鏞記門外等車,雖然苟姑娘已經企咗喺個大肚婆側邊,雖然佢已經著咗一件長身嘅外套,仲要係黑色添,但係佢百密一疏唔記得咗扣鈕,結果哩......佢個圓渾嘅肚腩仔就突破咗防線咁凸咗出嚟,至於下身......因為苟姑娘嗰日揀咗條好緊身嘅褲着,所以佢對強而有力的大腿亦都係好清楚。
當晚11點幾,苟姑娘同細佬及女友人一行3人相信啱啱食飽飽,企喺威靈頓街鏞記門外等車,苟姑娘全程攞住張紙仔研究,細佬同女友人就一人攞住一袋外賣,最後佢哋等咗10分鐘咗右就有一架美國電車tesla嚟咗喇,不過個司機就真係好似只係Uber司機,唔多似係佢哋朋友,事關見佢哋全程都冇咩交流,架車最後車咗佢哋去貝沙灣就空車走咗喇!