皇家馬德里球星基斯坦奴朗拿度（C朗）雖然就快又再做老竇，但練到一身靚完美肌肉嘅佢對自己向來都好有自信，32歲嘅佢最近就再度騷肌為自己嘅品牌「CR7」秋冬新底底賣廣告。完美線條加上充滿自信嘅神態，淨係著住自家品牌boxer嘅C朗相信無論係對男士定係女士都一樣咁吸睛。

已經有7歲大囝小C朗同一對喺今年6月出世龍鳳胎Eva同Mateo嘅C朗，早前宣佈女友佐真娜（Georgina Rodriguez）有咗BB。據悉，有咗七個月嘅佐真娜同C朗嘅第一個愛情結晶品係個女嚟嘅。