韓劇《繼承者們》男星金宇彬上月表示因患上鼻咽癌，目前要停工及專注於治療，而金宇彬嘅女星申敏兒雖受到衝擊，不過仍表示會全力協助男友接受治療。今日，韓媒報道金宇彬目前於首爾一家綜合醫院接受治療，申敏兒亦一直跟男友同行，給予對方好大嘅支持。

據知好多人都見到金宇彬及申敏兒一齊出入醫院，一位演藝界相關人士透露：「醫院內好多人都見到金宇彬及申敏兒，只要金宇彬去醫院接受治療，申敏兒都會同行。原本去綜合醫院接受治療嘅人就好多，再加上二人出眾嘅外貌，所以一出現就引起大家關注。不過比起任何事情，即使係身體及心理都備受痛苦嘅情況下，金宇彬及申敏兒都冇失去笑容，互相給予對方支持及力量，令人非常感動。」

網民亦留言為金宇彬打氣，又表示「真係美好嘅愛情」、「希望oppa能夠快啲康復」、「希望二人之後會結婚」、「覺得好感動」等。