噚日馬會被指作反,點解?原來因為七場賽馬結果,排名第一至四位嘅馬匹,咁啱組成「6894」,唔少網民即時話喎:嗱,特首梁振英被戲稱「689」,而「4」字一向被認人認定係「死」的諧音,咁樣嘅結果,係咪令CY唔多好過先?而第一名嘅6號馬,仲叫「英」勇大師。有網民笑指「天意難違」,亦有人叫藍絲帶向馬會投訴,要求馬會嚴正道歉,宣佈賽事無效。其實之前運動品牌PUMA早前喺官方fb上載一幅「D7689」馬拉松號碼布圖片,被藍絲網民話「D7」係廣東粗口諧音,「689」則係CY,所以去信PUMA總裁投訴,最終PUMA要就事件道歉㖭!身為馬主嘅林大輝就八方講,相信馬會公信力高、唔會造馬,叫網民唔好無理取鬧。