由於下周國際賽前養草，故周日（12月2日）沙田日馬以泥地為主，舉行七泥三草賽事，草地用C加3欄作賽。天文台預測到時回復天晴，而暫時估計當天泥草地掛牌均為好地。

睇番上季國際賽前一次田戰亦是用C加3欄，當日三場草地賽，分別有「飛霸龍」及「旺蝦王」快放勝出，不過尾場三班1400米卻由「鑽飾飛龍」後上掄元，提防臨場形勢會逆轉。

今戰列陣馬中，尾場「承你所願」兩戰田C加3欄非冠即亞，本身跑法機動，擺前或後上都得，憑出色窄場性能可望贏馬補中。

至於泥地方面，上季同日早段場次皆由守前三位入直路之馬匹建功，如「勇冠多」及「都靈明珠」擺前帶到。

不過，去到尾段高班場合卻由「軍炮」及「藍天堡馬」後上勝出，大家要識得臨場執生。

第七場「勇冠多」上季正是在國際賽前放頭贏馬，有機會重溫好夢。