【韓流】晒腿秀智甜蹺李鍾碩派心谷劇
秀智李鍾碩當你沉睡時
韓國SBS電視台新劇《當你沉睡時》將於下周三首播,今日一眾主演秀智、李鍾碩、丁海寅、李相燁、高聖熙等人現身劇集發佈會谷劇。
出席發佈會前,秀智、李鍾碩等人率先透過直播同粉絲見面,秀智及李鍾碩對新劇都相當有信心,李鍾碩表示:「我覺得劇集最高會有20%以上收視率,平均收視率都有17%。」而秀智就表示如果劇集收視率突破30%的話,就會拍片跳舞慶祝,對於歌手出身嘅秀智來說,完全冇難度。
喺劇中以短髮示人嘅秀智,近日已經留返長髮,今日以淡妝出席發佈會,身穿橙色連身短裙晒腿亮相,以清純風格現身,不過條裙未有修身嘅效果,反而顯得秀智肥咗,稍為失策。不過秀智未有在意,更心情靚靚同李鍾碩派心冧記者,而5位演員影大合照時,企中間嘅秀智因為着咗橙色裙,相當搶眼!