【本報訊】旅發局技術團隊稱正循「Check IP」方向限制境外人士參與，香港資訊科技商會榮譽會長方保僑認為，技術上不可行，「你可以喺外國用VPN『翻牆』嚟香港，因此Check IP呢個動作冇乜意義」，方補充，每次有紅星演唱會門票開售，甚至是「科技界龍頭」的蘋果公司開售新款iPhone時，都會出現網絡超負荷問題，「硬要喺幾個鐘頭裏面做（完抽獎登記），複雜在容量頂唔頂得順，同埋個網站會唔會跪低囉」。

專家倡提早開放登記

他更憂慮，隨時出現網絡黑客的惡意攻擊，稱建立一個登記網站無難度，但為免出現因容量超負荷令網站「跪低」，建議索性提早開放網站登記抽獎，分散參與者的登入時間。

所有獎品需要在2020年內兌換，旅發局計劃以電郵通知得獎者領獎。今次擲千萬辦除夕補飛活動，旅發局新任總幹事程鼎一透露，只讓團隊用三星期籌備，形容今次除夕活動是「全民參與式、香港未試過、世界未試過」。程又透露首輪抽獎的超市禮券由旅發局出錢，次輪獎品則有相關公司贊助，特別提到共40套的機票，「就唔關我事啦，國泰嗰邊好generous（慷慨）」。被問到除夕晚取消煙花決定是怕聚眾，但又為何保留會展幕牆倒數和煙火匯演，他回應指當晚公眾可在家觀賞直播。
■記者鄧溢禧