基於武漢肺炎在世界各地蔓延，唔少遊戲公司甚至是世衞都鼓勵玩家不要外出，留在家中打機。不過並唔係所有遊戲都可以在屋企玩，例如l由Niantic公司營運手機遊戲《Pokémon GO》、《Harry Potter: Wizards Unite》又或者《Ingress》就要靠玩家在真實世界到處走中完成任務，在疫情下玩家唔能夠外出，唔通要靠做「飛人」先玩得？

Niantic因應疫情而更新了這3款遊戲玩法，例如在《Pokémon GO》將大型實體活動延期以及取消每逢星期三傍晚傳說團體戰活動，亦取消了期間限定傳說團體戰活動，又推出只需1個寶可幣即可購買的禮盒，如首周推出了100個精靈球及30個薰香，本周就推出50個超級球，可令玩家不須外出都能取得精靈球及遇到更多Pokémon。

Niantic CEO John Hanke在官方部落格指出會在未來數天或數周內，繼續將新玩法帶到遊戲之中，令遊戲變得在室內也能玩。Niantic表示遊戲會記錄在戶內活動的行動距離，如《Pokémon GO》就要透過實際步行去孵蛋，不過這方面似乎在香港及亞洲地區都不太容易做得到。另外Niantic亦會嘗試改變於夏天舉行的大型實體活動Pokémon GO Fest玩法；並會加強遊戲社交功能，透過連線可在家中同朋友一齊參加團體戰；廠方亦會研究加入虛擬功能，幫助玩家可探索自己所喜愛的地點。

實際上《Pokémon GO》玩法會變成點，暫時都未有消息，但玩家在《Pokémon GO》內課金購買道具、對戰入場券及特別任務是Niantic主要收入來源，當世界各地玩家都不能外出自然會令收入大減，相信有關更新應會好快登場。

資料來源：Niantic

記者：布偉倫

-----------------------------
抗病經歷・醫護報料
歡迎分享到《健康蘋台》報料專線： https://bit.ly/2vPHzrT
-----------------------------
兩小時煲好防疫湯水食譜 8款湯水食材貼士
《提升免疫力 防疫湯水全集》在家也可輕鬆防疫
-----------------------------
立即去動物蘋台 ，飽覽主子大小事！
-----------------------------
【武漢肺炎】專頁
全民自救 抗疫資訊盡在《蘋果》